Ralhraang in mibur an Urkaang that mi ah Save The Children ih hnaṭuan mi 2 an tel thu nemhnget

Kayah ramkulh, Hpruso peng ih SAC ralhraang pawl urkaang thatmi mithi 35 luan lakah Save the Children ih hnaṭuan pacangno 2 an telve tiah theih a si.

Hnaṭuan thawn pehpar ih khual an tlawng nak hmun ihsin an kir lam ah vanduainak an tongmi a si ih “riahsiathlak zetin December 24 ih Urkaangmi mithi pawl lakah kan hnaṭuanpi pacang 2 an telve thu kan nemhnget” tiah Save the Children in Myanmar cun thu a suah.

Mithi 2 cu nauno nei pek veve an si ih kum 32 le kum 28 mi an si. Kum 32 mi cu thla 10 mi nautepa a siih Save the Children ih hna a ṭuannak kum 2 hrawng a si zo. Pakhattu sawn cu thla 3 mi nautepa a siih Save the Children ih hna a ṭuannak kum 6 hrawng a rei zo tiah Save the Children cun thusuahnaak an nei ih “humhimnak hrang le thu phunphun ruangah an thuhla cipciar cu kan tarlang lo ding” tiah thusuahmi ah an ngan tel a si.

Hih thu thawn pehparin Save the Children Chief Executive Officer Inger Ashing cun thuhla cipciar zirzoinak an nei pehzom vivo thu le Mihring pianvo ziangah siarlo ih a hraang zawng cangviahnak neitu pawl hremnak pek theih zang dingin UN lam ah ca thehlutnak an nei thu a rel ih “kan tuar na zet. Cun, vaiduainak tongtu innsang hrang le zung hnaṭuan pawl hrangah an ṭul poi mi hmuahhmuah hrangah a ṭha thei bikmi hmalaknak kan nei sak rero” a ti.

Siarbet : Ralhraang SAC ralkap in nauhak telin ralkian le khawmi 35 luan Urkaang that

Ralhraang SAC ralkap in nauhak telin ralkian 35 Urkaang that

Leave a Reply

Your email address will not be published. Required fields are marked *