Ralhraang in a nupi an kai ih Innsangpa a Awkaw That

Ayeyarwady ramṭhen, Ngapudaw myone, Hainggyikyun peng, ngapimah khawmi U Sein Aung cu ralhraang ralkap in a nupi an kai ruangah tuar thei loin amahten a awkaw that tiah theih a si.

April 19 ah an khawbawi U ZawHtun an that ih a zaan ah ralhraang SAC ralkap pawl in khua an luhcilh. ih khawmi 10 an kai. Cumi ah kum 60mi U Sein Aung nupi a telve.

Kaihkhihmi ṭhenkhat an thlah saal nan U Sein Aung nupi a tel lo ih ruangah a pasal cu thinhar mangbangin a um tiah khawmi pawl in an rel.

“Cumi tuar thei lo ah a thataw siding zum a um deuh. Kan theih cia vekin ralkap pawl kut ih thlengzo cu a ruak lawngih innthleng saal an um ṭheu. Cuvek thawn beidong in a thataw siding kan zum” tiah Khawmi pakhat cun ADN hnen ah a sim.

U Sein Aung cu tuni April 25 sun nazi 12 hrawngah tiva lam ah a suk ih hri thawn a awkaw that tiah khawmi pawl cun an sim.

U Sein Aung te hin fanau sungkhat naivai an nei le neilo tarlang a si lo.

Leave a Reply

Your email address will not be published. Required fields are marked *