Ralhraang in a fapa hawiruallo an ur that sak cu a nu a tuar thiam lo

Magway ramṭhen, Gangaw peng ah ralhraang SAC ralkap in khawmi 5 an urkaang that ih, ralhraang kut tuar khawmi lakah hawiruallo mipakhat a tel ve.

A thih thu ah a nu in a tuar nat dan a rel ih “hawiruallo si cing in ralhraang ralkap in hridai thawn an ṭawn ih an hruai. An urkaang that.”

“An that hnu ah urkaang hai sehla cu ka tuar thiam deuh ding. Lungfim rorin an urkaang that cu ka tuar thiam lo. Ka Lung Kuai” tiah ṭap phah in a rel.

Thlanglam Gangaw PDF thusuah dan ah thahawknak rapthlak hi June 3 ah a si ih, cuih ni ah mi 5 rori thirhri thawn ṭawn in ralhraang ralkap pawl in an urkaang that ti a si.

Khua 2 ah inn 7 an urkaang hlei ah inn boh in thil ṭha an duh zawng an lak thluh hnu ah a tang mi hmuahhmuah siat sak ta thluh in khua an suah san tiah PDF-Gangaw – တောင်ပိုင်း in June 10 ah thu thang an suah a si.

Leave a Reply

Your email address will not be published. Required fields are marked *