Ralhraang duty nak Gate an kap ih ralkap pakhat a thi

Yangon ramṭhen, Kamayut myone ih Ralhraang duty nak Gate an kap ih mithi pakhat a um hlei ah hriamtuar khal an um.

Tuni, April 10 zaanlam nazi 4 hrawngih thil thleng a si ih, ralhraang SAC ralkap duty nak hmun cu mawṭaw feh phahin catbang loin an kap.

Tualsungum mipakhat cun “Inya lamzin SAC ralkap Gate kiangkap ihsin meithal puak thawm a thang. Reilote ah ambulance awn catbang loin kan thei. Zo pawl an kapaw ti cu kan thei ciang lo nan ralkap pakhat a thi ti cu kan thei” a ti.

Kahawknak thu cu Yangon ramṭhen palik zung lam khalin an nemhnget zo ih, atu ah Gate kap nak ih an hmanmi Honda Fit mawṭaw an hawl tiah theih a si.

Atu ca kan ngan tiangah Ralhraang kaptu hi zoi` pawlkom cangvaihnak a si timi theih a si lo.