Ralhraang do dingih Pumpeaw mino pakhat cu Malaria natnak in a nunnak a cem

SAC ralhraang do dingin hmunhim ih raldo zir rerotu mino Rain Moe Htoo cu August 19 ah Malaria natnak thawn a nunnak a cem tiah theih a si.

Amah hi Mandalay ramṭhen, Meiktila BEHS No.1 ih phun 9 kai mi a si ih a tlawng kai nak student union in a thih thu thuthang an suah.

“A kum cu a no te nan a dik lo mi do ngam in lamziin dik a zawh. Harsatnak phunphun pahtlang in ram le miphun hrangah hih ziin a zawh a si” tiah student union ih ṭuanvonei mipakhat cun a rel.

Kan dung June thlacem lam khalah ralhraang pawl ih pukmah 505 thawn thubuai tuah sak mi hlasakthiam Raymond cu raldo zir nakah Malaria natnak thawn a nunnak a cem a si. (KTM)

Leave a Reply

Your email address will not be published. Required fields are marked *