Ralhraang dinpit lamzawhlai bomb puak thu ah mino pakhat Thit daan tat

Shan ramkulh, Tachileik ih tuahmi SAC ralhraang dinpit lamzawh lai bomb puak thuthawn pehparin mi 2 daan tat an si ih, mino pakhat cu June 1 ah ralhraang thuṭhenzung in thih daan a tat a si.

2022, February 1 ah Dothlengnak thapetu rampumhuap mipi zaten lengsuaklo daiziar duhphorhnak tuah a si ih, cumi phen hlo tumin ralhraang lamṭangpawl Tachilek khawsung lamzawhnak an nei lai ah bomb a puak mi a si.

SAC ralhraang dinpit lamzawh lai bomb puak ah ralhraang lamṭang mi 4 thi in, hriamtuar 34 an um. Lamzawhtu ah ralhraang lam ṭang mipi khal an um nan mitamsawn cu ralkap colhlazo le paisa pek ih hlangmi Lahu, Akha miphun an tam tiah an sim.

Ralhraang ralkap in meithal kengin humvennak ṭuanvo an la nan rinlopin bomb a puak ih, mithi 4 lakah ralkap khal an tel ti`n ramsung hrambun media pawl in a luanzo tikcucaan ah an rak pholang dah.

Bombpuahtu tiih rinhlehmi mi 10 lenglo an kai ih, thlah sal mi khal an um nan Wa mino SaiSaiMin cu thih daan tat in siseh, a rualpi tiih puh mi Htet Lin Aung cu kum 7 thawngthlak dingin ralhraang thuṭhenzung in June 1 ah daantatnak a nei tiah theih a si.

Leave a Reply

Your email address will not be published. Required fields are marked *