Ralhraang app thar tuah ve cu nikhat-hnih hman a awh lo

Paisa cemliam in Thla 8 lenglo an buaipimi MRTV Application cu an tuahsuak hnu nikhat-hnih ah Apple App Store le Google Play Store ihsin a hlo.

Ralhraangbawi Min Aung Hlaing rori in thatho zetin le ropi zetin May 4 ah App onpuai a tuah nan mualphothlak zetin App Store ihsin an hlon hlo sak cih tiah theih a si.

Olsam zetih download theih dingin QR Code scan nak an tuahmi khalah kan scan sin nan tlanglam ih tarlangmi zuk bangin hawl hmuh theih a si lo.

App onpuai caan an hmang lai ……..
App store ihsin an hlon hlo zo

Cun, MRTV App thawn thehlar cihmi mrtvmedia website khalah luh kan tum nan hawl hmuh a theih cuang lo.

Ralhraang SAC ralkap thawn pehparmi Internet cahmai pawl cu rampi thuneihnak an la hnu, reilote ah tumtahnei thuthang dik lo thlahtu ti`n internet cahmai pawl ah hmunram an pe duh loih FB cahmai siseh an website ṭhenkhat khal hman theih lo dingin an siat/block sak.

Atui App le Website an tuah mi khal hi cuvek deuh si ding zum a um a si.

Leave a Reply

Your email address will not be published. Required fields are marked *