Raldo hmainor pawl humhimnak hrangah ti`n Palik nupi pawl Raldo zirter saal

Kachin ramkulh, Puta-O peng, Nawngmun khua ih ralhraang lamṭang palik nupi pawl cu December thla thok ihsin raldothu an zirter tiah theih a si.

Ralhraang SAC ralkap hmainortu humhimnak hrangah Palikbawi pawlin palik nupi pawl raldo thu an zirh tiah khuami pakhat cun a rel.

“Palik thawn naivaitu hnen ih thuhla ka sut cu, ral an do tikih Sakhaan kiltu dingah an zirhmi a si ti`n in sim. Cun, mahte humkham thei danding khal an zirh cih” tiah khuami cun a rel.

Raldo le raldothu an zirhmi cu kum 50 tang palik nupi 17 hrawng an siih, Nawngmun khua palik sakhaan ah an zir tiah amahcun a rel bet hrih.

SAC ralhraang in rampi ukhruai thuneih a cuh hnu, Nawngmun peng ah hin, ralhraang lamṭang ပြည်သူ့စစ် pawl in mino ṭhenkhat an leem ih raldo zirternak voi 2 lai an nei zo tiah Kachinnews in a ngan.

Leave a Reply

Your email address will not be published. Required fields are marked *