Raldo zir lai Mino 70 lenglo kaihkhih tuar

Kayah ramṭhen, Pruso ih duty SAC ralkap in raldo zir ih tlunglam mino 70 lenglo an kai tiah theih a si.

Ralkap ukhruinak dodal in tlangpar hriamhrei keng pawlkom hnen ih raldo zir an si ih an tlunglam ah Pruso, ramri checkgate ah an kai mi a si.

“Mino 74 an si. Tlawngkainak ihsin tlunglam kan si an tiaw ih Pruso khualuhnak checkgate ah an kai mi a si. April 30, zaanlam nazi 7 hrawng ah an kai ih May 1 zaanlam nazi 4 hrawngah Loikaw thawnginn ah an kuat” tiah khuami pakhat in a sim.

Lei phur mawṭaw 2 thawn khawsunglam pantu mino rual cu khualuhnak checkgate ah SAC ralkap in an phone pawl an zoh sak tikah raldo an zir lai zuk pawl an hmu ruangah ralkap cozah dotumtu ti`n an kaimi a si.

Tu ah, mino rual cu Loikaw thawnginn ah khum in an um tiah theih a si ih, hih thuthawn pehpar in SAC ralkap lam cun thuthang an suah lo.

Leave a Reply

Your email address will not be published. Required fields are marked *