Rakhine ramkulh ah Covid 19 mina Phur lai Motor a Kang

Rakhine ramkulh, PuuShwePin khua ih Covid 19 mina pathum phur lai mawtaw cu lamziin lailak ah akangral tiah theih a si.

September 2, 2020 zaanlam nazi 1 luan hrawng ih thilthleng a siih “Covid 19 mina phurtu P-D-Y-O pawlkom mawtaw cu Kwam Taung (ကွမ်းတောင်) khua kiang ah wire short in a kangral” tiah Eleven media cun a tarlang.

Covid 19 mina pathum cu Rakhine ramkulh, PuuShwePin khua ih um mi an siih Ponnagyun (ပုဏ္ဏားကျွန်း) sizungpi ah tuamhlawm dingin an panpi lai fangah an motor tomi cu wire short in a kangral.

Motor mawngtu cun, “Covid 19 mina pathum kan phur lai ah wire short in mawtaw akang ih hriamhma tuar cu kan um lo. Kan tlan man thluh. Asinan mina tuamhlawmnak hmanrua ṭhenkhat cu a kaang tel cih” ti`n Local media hnen ah a sim.

Leave a Reply

Your email address will not be published. Required fields are marked *