Rakhine ram ah Covid 19 ral do dingin Dr thiamsang 20 le Nurse 3 pok suak tum

Zarhkhat sungih Covid-19 mina 45 an hmunak Rakhine ram lam pan in Yangon ihsin Dr thiamsang pawl an pok tum tiah theih a si.

Covid 19 mina tuamhlawm dingin Dr thiamsang mipum 20 le nurses 3 an pok tummi a siih August 23 ah vazam thawn an pok tum.

Abikin Sittwe tlangkulh ah Covid – 19 mina thar an hmu tam ih zarhkhat sungah minung 45 rorin Covid 19 nathrik an kai a si.

Rakhine ram ih Dr le nurses pawl feh tum thu thawn pehpar in ကျန်းမာရေးအသိပညာမြှင့်တင်ရေး ih ṭuanvo nei Dr. ThanNaiangSuu cun, “thaizing August 23 ah an pok tum a si. Dr le nurse pawl an tel dingih Covid-19 tuamhlawmnak hmarua pawl khal an keng cih ding” tiah Duwun hnen ah a sim.

Atuih, Rakhine ramkulh sungih an hmusuak mi Covid – 19 nathrik pawl cu a hlan ai ih let 10 cak sawn mi Covid – 19 nathrik siding zum a um tiah Harhdamnak le lehpan zung cun tui` zing August 22 ah a phuang a si.

August 22 tiang, Myanmar ram ah Covid 19 mina 419 an um ih cupawl lak ihsin mi paruk thi in mipum 337 an dam saalzo a si.

Leave a Reply

Your email address will not be published. Required fields are marked *

error: hahahahahaha !!