Rakhine in Yangon ih phurlut mi Pehtlaih thei lo minung 2000 luan

August 10 hnu, Rakhine ihsin vanzam thawn Yangon ih phurlut mi minung 5409 cu Myanmar cozah in pehtlaih in harhdamnak zohfel ding ih fial a tum mi ah, a hrek hakih tamsawn cu an pehtlaih thei lo tiah rampi harhdam zung in a tarlang.

Medical Research Department in August 30-31 ih an pehtlaih mi minung 3043 ah phone kai ih thuhla țhate’n simtu zatek 48.18 an um ih thuhla țhatei’ rel duh lo le phone thla hrim zatek 58.12 an um.

Public Health Department in an pehtlaih mi 1716 ah phone kai ih thuhla țhate’n simtu zatek 43.47 an um ih, thuhla țhatei’ rel duh lo le phone thla hrim zatek 63.71 an um. Phone kai ih thuhla țhaten reltu lak khal ah a hrek hrawng lawng in Cozah thusuah an thlun.

Myanmar ramsung ah a ni nii in Covid 19 nathrik a karhzai vivo ih ṭhat lam pan thei ding beisei in cozah pi in a pehtlai thei lomi khualtlawng sukso hmin cazin pawl cu social media ah a thlah ih harhdam zung lam pan lohli hai dingin le cozah thusuahmi daan an thlun lo ahcun a ṭuldan vekin hmalaknak an nei ding thu, rampi Harhdamnak le Lehpannak zung in a phuang.

Tu dinhmun ah Myanmar ramsung ah Covid 19 mina 938 an um zo ih cu pawl lak ihsin mi 6 thi in mipum 357 an dam sal a si.

Leave a Reply

Your email address will not be published. Required fields are marked *

error: hahahahahaha !!