Quarantine center ah a thupten lut ih ZU intu an Kai

Mawlamyine Quarantine center ah a thupten luttahrat in zu intu minung 3 le Quarantine luttu, zu an inpimi mi pakhat cu ṭuanvoneitu pawl in an kai thu, Mawlamyine khua ih cozah ṭuanvonei U Way Lin Thun in a sim a si.

“Thuhla umdan cu, Quarantine center ih hmang mi Mawlamyine University ah minung 3 a thuten an lut. Quarantine luttu tleirawl kum 15 mi umnak ah an feh ih zu an in. Curuangah a ṭuldan vekih thuṭhensak dingin kan tawlrel a si” tiin khawtlang harhdamnak hrang ih tuahmi daan pahbal tu mipum 4 an kai thu, U Way Lin Thun cun a sim.

Quarantine center ih a thupten luttu minung 3 cu Thailand lam ihsin kawlram ih an tlunnak a reituk hrih loih hih hmun ah ni 21 sung Quarantine lutzotu an si.

Quarantine nak hmun ih um tleirawl pate cu test nak result hngak rero laimi a siih khawtlang harhdamnak hrang ih tuahmi daan pahbal tu a rualpi 3 pawl cu Covid – 19 test nak nei ṭulmaw, ṭullo timi thu khal ṭuanvo neitu pawl in an tawlrel rero lai a si.

Thailand ram ihsin Mawlamyine khua ih lutu tamsawn cu Myawaddy ramri luhnak lam ih luttu an si ih, tuah, Mawlamyine ih Quarantine luttu mipum 1400 an um a si.

ref:Duwun

Leave a Reply

Your email address will not be published. Required fields are marked *