Pyusawhti (ပျူစောထီး) pawl in hriamhrei ralthuam thawn PDF an kop

Magway ramṭhen, Tilin (ထီးလင်း) peng ih SAC ralhraang hmanfung Pyusawhti pawl cun hriamhrei ralthuam an neih mi thawn YDF-ထီးလင်း hnen ah an apaw tiah theih a a si.

Tilin peng, Zitaw khua ih Pyusawhti rual cun October 14 zinglam nazi 8 luan hrawngah kuttuah meithal 25 pawl cu YDF-ထီးလင်း hnen ah an ap ih mipi thawn SAC ralhraang dotlang dingin mipi humtu ralkapbu hnen ah thutiam an hlan tiah YDF ih ṭuanvonei mipakhat cun a rel.

October 10 khalah Tilin palik sakhaan ihsin kuttuah meithal phurtu Pyusawhti rual cu YDF in lamlak in an rak do ih Pyusawhti 1 a thi hlei ah meithal 20 an lak sak.

October 14 ih Pyusawhti pawl in YDF hnen ih an ap mi meithal 20 luan le October 10 ih an lon ngah mi meithal 20 pawl cu ralhraang pawl in PDF hnen ta an lak sak dah mi a si tiah an sim.

Magway le Sagaing ramri hi rampumhuap SAC ralhraang donak ih ṭanlaknak biklam hmunram pakhat a si ih nitin deuh thaw doawknak a um ringring tiah theih a si.

Leave a Reply

Your email address will not be published. Required fields are marked *