Phungki thuam, Kuah-li le Biakpawhnak cet kengtu rinhleh um mipahnih an kai

Yangon : Tamwe myone ah rinhleh um mipahnih cu veng sung mipi an kai ih an bike tools box an check tikah phungki thuam, kuahli, Saihlum le biakpawhnak cet 2 an hmu.

Vengsung um mipakhat cun “မင်္ဂတောင်ညွန့်မြို့ ih traffic palik le Htun Aung Kyaw an si tiah kan thei. Bike 2 to mipathum an si ih pakhat cu a tlan hlo” a ti.

Mipi kaih tuarte pahnih cun phungki thuam cu saya pakhat in sawp dingin in kuat ih kuahli le saihlum cu traffic meisa kiangah kan hmu mi a si an ti.

“Tulai cu kan veng sung ah nasaten kan duty. Ralkap le palik milai mizuva vakvai an tam tuk tikah an kut tuar ding phan a um zet. Atu i kan kai mi mipahnih cu hna kan ṭuan an tinak zung ih hnaṭuan an si ngaingai maw timi kan zingzoi lai” tiah veng sung um mipakhat cun a sim hrih.

Myanmar ralkap in kumpi cozah thuneihnak a la hnu ah hin a dodaltu mipi pawl cu misual zuva hmangin kut a thlak ter hai ṭheu.

Cuvek misual pawl cu mi i theithiamlo dingin phungki thuam tivek hrukin veng tin ah an cangvai ṭheu tiah MCSD in a tarlang.

Leave a Reply

Your email address will not be published. Required fields are marked *