Phungki nauhak pawngsual tuar cu SAC ralhraang in Paisa thawn khuh hlo tum

Shan ramṭhen, Kuatkhai myone, Nam Phat Kar khua phungki tlawng ih nauhak pawngsual tuar cu SAC ralhraang in thuthang puut darh phang ah paisa ting 5 thawn an khuh hlo tum.

Ralkap pawngsual tuartu cu kum 14 mi Palaung miphun phungki nauhak a siih hminsiat phangah minung ah suakter salin SAC ralhraang in paisa kyat ting 5 an pek tiah theih a si.

“Pawngsual tuar ni cu kan thei felfai lo. Thuthang puut darh phang ah SAC ralhraang le khua upa ṭhenkhat thurel tlangin paisa an pek ih thu rem an rel. Thuthang cu mizaan June 10 lawngah a suak lai. Phungki hotu le an um lo. Phungki hotu theilo dingin le Tlawnghmin sia lo dingin a thupten paisa thawn an tham” tiah thu felfai theitu in SPMNA hnen ah a sim.

Amahcun, “Phungki hotu cu tutiang a ra thlung hrih lo. Pawngsual tuar thu cu a suak zo nan amah in a thei maw theilo ticu kan thei ve lo. Himi thu rel dingin phungki ṭhenkhat le pawngsual tuartu sungle pawl thaisun ah meeting an to tum” tiah a sim hrih.

Nam Phat Kar khua phungki tlawng kiangih SAC ralhraang umhmun an khuar nak cu kum 10 lai a rei zo tiah khuami pawl in an sim. (Shwe Phee Myay)

Leave a Reply

Your email address will not be published. Required fields are marked *