People`s Defence Force raldo zirdan maksak

Bawngbi dum le angki dum hruk mino 100 hrawng, thatho zetin zingpit ih training nei rero lai video tawi cu kan dung thla hrawng ah oneline ah a lar zet.

Mitamsawn cu GenZ ti`h kohmi kum 20 kiangkap mino an si ih, video tawi cu April thlathok lam, Kayin ram hmun pakhat ih zukmi a si tiah Reuter in a ngan.

An lakih hruaitu pakhat a simi MonMon cun Reuter hnen ah “hih hmun ah thla 3 sung raldo kan zir ding. Hmuitinmi cu ralkap ukhruinak hnukthlak hi a si” a ti.

Mino tamzet cu tlangpar hriamhreikai pawlkom umnak hmun pan in raldo an zir. Miṭhen cu suahsemnak khuate pan in beunak an hawl ih miṭhen an si le ramri ah beu in cangvaihnak an nei rero.

GenZ ṭanpi dingin Myanmar-Thailand ramri ih thlengvetu GenX upa pakhat cun “hmun hla in ramri pan ih raldo zir le meithal hawl ih vaktawi mino hi amalbik thawngteel an kim ding” a ti.

Ralkap in kumpi cozah thuneihnak an la hnu February 1 in Myanmar ram a buai thok ih thlacem lam hrawngah boruak a sosang vivo.

SAC ralkap pawl cu hriamhrei ralthuam rinsan in an puarthau vivo ih duhtawkin mi an that. AAPP ih ngankhum mivek asile June thlacem hrawng tiang SAC ralkap kut tuar ih thi mipi 1000 an kim zik thlang.

KNU ṭuanvonei mipakhat cun “hriamhrei kengin hmainorṭul dinhmun kan thleng zo. Phun, Hnamdang ti umloin tithei dandan suah ih hmainor tlang ding kan hmabak” a ti. (April ih nganmi cahram)

PDF raldo zirdan video tawi ……….

Leave a Reply

Your email address will not be published. Required fields are marked *