People’s Defence Force in Ram le Mipi hrang thutiam 4 pholang

People’s Defence Force ih ram le mipi hrang pumpeknak thutiam 4 pholang a si ih cumicu

1. Ram le mipi hrang rin um ding.

2. Federal Democracy hrang pumpeaw ih nunnak liamzotu upatnak thawn rin um zetin an Keneh thlun vivo ding.

3. Khuatlang mipi le an neihsiah pawl hum sak ding.

4. Federal Democracy hrangah nunnak thaap in hmainor ding ….

“People Defence Force” cu Daan lo in rampi ukhruai thuneihnak latu, duhdah zetih mi soisahmang SAC ralkap lakih mipi kilhim tudingah National Unity Government in 2021, May 5 a dinsuahmi a si.

PDF dinsuah a si thu theihternak cu May 5 nikhen in ca an suah ih cumi ah “2020 rampi hrilawknak ih mipi` ṭanpi thuneihnak pemi hmangin rampi ukhruainak thu ah NUG a cangvai thu, SAC ralkap in Federal Democracy hrang hmainor rerotu tlangpar hriamhrei keng ralkapbu harsatnak a pe ringring thu, SAC ralkap in Daan loin rampi thuneihnak a la tlun ah mipi soisa thatvaat in hruaitu tamzet a kaihkhih zo thu, Federal hrambun rampi dinsuah ding hrang dawnkhamtubik cu SAC ralkap an si thu” pawl an tarlang.

Tlunlam ih tarlangmi thu phunphun ruangah NUG cozah cun rampi remdaihnak hrang, kum 70 sung ramsung kahdonak tawpter dingin le Federal hrambun rampi ralkap dinsuah theinakding hrangah Federal Union Army hmuicuang “People Defence Force” dinsuah a si thu May 5 ah an phuang a si.

Leave a Reply

Your email address will not be published. Required fields are marked *