SAC Ralhraang mawṭawtlar CiilNuai tuar, Mithi 20 luan le hriamtuar tamzet um : Report

January 3, zaanlam nazi 2 kimzik hrawngah Myitkyina ihsin Mandalay lam pantu SAC ralhraang mawṭawtlar (50 hrawng) cu lamlak ihsin KIA le PDF ṭangrual pawl in an rak do ih ralhraang mithi 24 le hriamtuar tamzet an um tiah Indaw PDF in tuini January 4 ah thu an suah a si.

Indaw peng, Siping le Phapatn khua karlak ihsin hriamkai ṭangrual ralkap 40 hrawngin an rak bawh cia ih, doawknak a suak hnu ah Siping khua ihsin ralhraang bawmtuding mawṭaw dang a ra betmi khal KIA le PDF ṭangrual pawl in an rak kap bet tiah thusuahmi ah an ngan.

Ralhraang SAC ralkap pawl khalin thinphang kapin kiangkap an kap nasa nan KIA le PDF lam cu khawngaw le hriamtuar umloten dung an siip thei saal ti a si.

Doawknak ah ralbawi bo 3 telin SAC ralhraang 24 an thi hlei ah hriamtuar tamzet an um ti`n Indaw PDF cun thu an suah a si.

Leave a Reply

Your email address will not be published. Required fields are marked *