PDF in ni 4 sung ah SAC ralhraang 200 lenglo Nuai That

Sagaing ramṭhen, Katha myone People Defense Force le KIA ṭangrual in ni 4 sungah SAC ralhraang 200 lenglo an that.

KPDF le KIA ṭangrual in SAC ralhraang an do nak thuthang cu remcanlonak phunphun ruangah KPDF official FB cahmai ah tarlang a si lo ih, Doawknak thuhla cipciar cu Sagaing People Defense Force FB cahmai ah a thuai lam bangtukin an tarlang a si.

MyoHla khua kiangkap Doawknak

1. 5/7/2021 – PDF siim tum in vapantu SAC ralhraang pawl cun zaan nazi 9 hrawngah Leiphum bomb kammi 2 an pal puak ih mi 10 lenglo an thi.

2. 6/7/2021 – KaukKwayt tiva zawh in hmunram nor tumtu SAC ralhraang 100 hrawng tomi CetLawng 3 cu RPG thawn nasaten an kap ih Lawng 2 an kap siat. Cumi ah Ralhraang 60 lenglo an thi ih CetLawng 1 cu a tlansuak.

3. 7/7/2021 – Ralbawi pakhat telin PDF hmun ram ih luttu SAC ralhraang pawl in leiphum bomb 4 an pal puak ih hotu telin ralhraang 30 hrawng an thi.

4. 9/7/2021 – Vanzam 4 bomnak thawn MyoHla pantu SAC ralhraang le PDF nasaten an kapaw ih ralhraang 50 hrawng thi in mi 70 hrawng hriam an tuar. PDF lam ah mithi 3 le pehtlaih theihlo mi 3 an um.

5. 9/7/2021 – MyoHla ralhraang bawmtuding thazang thar an cah mi cu KPDF le KIA in lamlak in an rak nuai ih ralhraang 30 lenglo an thi.

KPDF cun SAC ralhraang ciimit hlan lo a rem dandan in cangvaihnak an nei pehzomtum a si.

Leave a Reply

Your email address will not be published. Required fields are marked *