PDF in innteek ngaidamdilnak ca an tantami cu ralhraang pawl in an cawng ve

Loikaw PDF pawl ih zaankhat riahnak innteekte ngaidam an dilnak tiih tarlangmi ca pakhat cu online ah a darh ih, cuhnu reilote ah SAC ralhraang hmin khenmi ngaidamdilnak ca khal online ah an ti darh ve.

Loikaw PDF hmin thawn tarlangmi ngaidamdilnak ca ahcun “Nu le pa innteek pawl, kan nih PDF pawl in, emergency in, nan inn zaankhat riah nakah kan hmang.”

“Kan lo hmansakmi puan le lukham pawl cu ṭha zetin kan lo ret sak saal. Kan ṭulmi khauhsuai malte, tidai le ungsii kan rak hman mi cu aman zat in hih ca thawn paisa kan tan ta” ti`n paisa thawn cepcopmi cangan tarlang a si ih atang ah “kan sualnak a um pang le in ngai dam uh. Dothlengnak kan hlawh tling ding, Loikaw P.D.F” tiah an tarlang a si.

Cumi cangan a darh hnu reilote ah cuvek ciah in Yangon tatmadaw pawl hminkhenmi ca le paisa kyat 5000 cepcopmi online ah an ti darh ve.

PDF cangan cun mipi Lung a tham zetih ralhraang cangan mi cu hnihsuahsainak ah mipi in an hmang.

Leave a Reply

Your email address will not be published. Required fields are marked *