PDF bomb kam mi in SAC ralhraang 20 hrawng a puah that

Yinmarpin PDF in SAC ralhraang mawṭaw tluan an rak do nakah ralhraang 20 hrawng bomb in a puah that tiah theih a si.

August 12, zaanlam nazi 2 hrawngah Pale ram lam ihsi ratlung ralhraang mawṭaw tlar cu Yinmarpin PDF in ziin ṭek in an rak do ih bomb an hmanmi 7 lakih 2 cun ralhraang mawṭaw a puah ngah ih ralkap a rualrual in an thi.

Yinmarpin PDF ṭuanvonei mipakhat cun “Nitlaknak Pale ram lam ihsi ra tlung an si ih mawṭaw 5 lakih 2 cu bomb in a puah ngah. Bomb a puak veten ralhraang pawl cu meithal phunphun kengin kiangkap ah an vak vai tiah khuami pawl in an rel” a ti.

Yinmarpin PDF cu SAC ralhraang ciimit ko dotumtu rampi huap PDF pawlkom lakih telvemi pawlkom pakhat an si ih, tuṭum ralhraang an do nakah an lam ah hliamtuar le khawngaw an um lo tiah theih a si.

Leave a Reply

Your email address will not be published. Required fields are marked *