“Pawngsual tuar” timi thu ah amah Htar Htet Htet rori`n simfiahnak nei

Hmun him ah raldo zir rerotu model Htar Htet Htet cu hramlak ah pawngsual a tuar ti`n thuthang a suak ih cuih thu thawn pehpar in Htar Htet Htet cun simfiahnak a nei ih Tlangparmi pawl hmai bal dingih kan tuah tum ṭheu mi hi bansan a cu zo a ti.

Amahcun “Tisa lam khal siseh thinlung lam khal ka him ko. Keimah thawn pehparmi thuthang a suak tinten keimah le kakiangkap ih um pawl thangsiat tumtu an um ringring”.

“Mirang ṭong hmangin interview ka nei mi video screenshot tuahin tuizarh sung khan, thuthang diklo tamzet a suak.”

“Hih hmun ka thlen nak hi thla teel a rei zo ih, cuih tikcucaan sungah suamawknak simlo ṭongkam mawilo lole ṭongsan tivek hman ka tuar hrih lo”.

“Kakiangkap ih um pawl cu ka uu le nau hrihruai hlir an si ih thinlung thiang neitu an si. Ṭongkam khalin in ṭongsan dahlo hlei ah ningzak theimi copoh sainak tivek hman ah in hmang dah lo.”

“Cumicu ralkap dundan an thlun ruangah khal a si thei. Hnam le miphun thangsia an ṭih ruangah khal a si thei ih mipa pakhat dinhmun in nuncanmawi an nei ruangah khal a si thei. Nan, a fiang zetmi cu thuthang suahmi vek an si lo ti hi a ciang rori ih khuazing pathian hmai khalah ka tiam ngam. Hivekih thuthang a suak cu tumtah nei in an tuah hrimmi a si. Tlangparmi pawl hmai bal dingih kan tuah tum ṭheu mi hi bansan thlang uh si” a ti.

Htar Htet Htet cu SAC ralhraang do dingin Tlangpar hriamkai kop hnu ih pholangaw hmaisalam model hminthang a si ih hmun him a thleng hnu, meithal kai phah ih a zukaw mi cu leitlunhuap ah darh in meidia hminthang pawl in cahram ngannak khal ah an hmang rero zo mi a si.

Leave a Reply

Your email address will not be published. Required fields are marked *