SAC ralhraang hmunram Naypyidaw rori ah Bomb a puak thok thlang

SAC ralhraang hmunram a simi Naypyidaw, Pyinmana myo ah July 6 zaanlamri ah avoikhatnak kuttuah bomb a puak tiah theih a si.

Kawlrampi a buai hnu, ramsung hmun hranhran ah puakkuainak a suak tam zet nan SAC ralhraang hmunlailibik Naypyidaw ah bomb a puak ti`n thuthang theih ding a um dah lo ih, tuini July 6 ih kuttuah bomb a puak mi cu SAC ralhraang hmunram Naypyidaw ih puakkuainak a suak hmaisabikmi a si tiah VOM in a tarlang.

July 6 zaanlamri ah Pyinmana myo, shweche veng ih Tlawnginn kiangah kuttuah bomb pakhat a puak mi a si.

Bomb puak ah Tlawnginn humhimnak hrang į¹­uanvolatu palik pahnih le Tlawnginn kiang ih Dawr ta mino pakhat in hliam an tuar nan besiatuk cu an si lo.

A puahtu theih a si lo ih bomb puak cun Dawr rangva, Vurkuang le meisa pawl a perh ngah tiah kiangkap veng hnen pawl in an rel.

Leave a Reply

Your email address will not be published. Required fields are marked *