March 15 ih Kalaymyo Thawnginn buainak thu relfiang

March 15, zaanlam nazi 4 hrawngah Sagaing ramṭhen, Kalaymyo Thawnginn ihsin tlansuak tumtu Thawngtlak 7 kan kap that ti`n SAC ralhraang in mizaan ah thu an suah nan, Thawnginn thawn naivaitu hmin tarlang duhlo mipakhat cun hitin a rel.

“Thawngtlak lakah pukmah 505 thawn thubuai tuah sak mi pawl an thleidang tuk. Cumi tuar thei nawn lo, thinheng pittawpin thirzum thawn palik an sun. Culaiah tlunlam duty nak ihsin meithal thawn an kap” tiah Thawnginn/palik thawn naivaitu hminthup mipakhat cun a rel ih “thawngtlak 8 an thi ih hriam tuar 17 an um” a ti.

Thuthang dongtu Mizzima in kah that mi thawngtlak 7 hmin cazin cu kan dong nan, a tangmi pakhat le hriam tuar pawl cazin cu kan nemhnget thei hrih lo tiah a tarlang.

March 15, Kalaymyo Thawnginn thubuai thawn pehpar in SAC ralhraang cun Thawngtlak tlantum an um ruangah buainak a suak mi sivekin an tarlang.

“Thawnginn kulh sungih um, No 5 riahbuuk ih Thawngtla Vandem kaihruaimi mipum 50 hrawngin Thawnginn ṭuanvonei mi 3 an kai ih an tlansuak tum. Curuangah meithal kan hmetpuak ” ti`n SAC ralhraang in thu a suah nan, mipi lam cun hruangkulh phen ah thu um dan a dang ding an zum a si.

Leave a Reply

Your email address will not be published. Required fields are marked *