Palik zualko ṭheutu Kalaymyo Pa cu a Venghnen pawl in an Mual Phoh

Nunnak rori thaap in ralkap uknak duhlo lamzawh duhphorhtu an um lai ah mipi cetcang tumdan le duhphorhnak ih hruaitu hmin cazin, palik le ralkap hnen ih rak report ringringtu khal an um.

Cuvekih cangvaithup pawl cu theihsuah an si hnu ah mipi in nasaten hremnak an pe ṭheu ih ningzak neknek dingin mual an phoh ṭheu.

March 4 khalah Sagaing ramṭhen, kalaymyo ih ralkap uknak duhlotu, lamzawh duhphorhnak neitu pawl ih hmin cazin le an thuhla pawl palik hnen ih rak report ṭheutu mipakhat cu veng hnen mipi in an veng ihsin an dawi suak.

Kalaymyo ih um mipakhat cun “အောင်မင်္ဂလာ veng kalaymyo ih um a si ih mipi cetcang tumdan thuhla pawl cu palik hnen ah a rak report ṭheu. Curuangah venghnen mipi in an veng in an dawi suak a si” tiah DVB hnen ah a sim.

Veng i dawituar palik zualko ṭheutu hi zo a si ti cu tarlang a si lo nan, amah hi crime news reporter a si tiah DVB in a tarlang.

Leave a Reply

Your email address will not be published. Required fields are marked *