Kalaymyo, Thazi (သာစည်) khua boruak sosang, Tukhalah an kapaw rero

Kalaymyo, Thazi (သာစည်) khua ah May 31 sun hrawngin SAC ralhraang le mipi humtu ralkapbu nasaten an kapaw tiah khuami hnen in theih a si.

SAC ralhraang in khuami an kai nak ihsin doawknak a suak ih mipi humtu KCA le PDF ṭangrual in SAC ralhraang an do.

“Zingpit ah khuabawi telin SAC ralhraang in miṭhenkhat an kai. Mipi zawn ruat in khua leng in kan bawh nan suahti an nei lo ruangah nazi 12 hrawngin kan kap aw thok” tiah PDF ṭuanvonei mipakhat in a tk.

SAC ralhraang in khuasung ih meithal an hmetpuak hnu in doawknak a thok tiah khuami pakhat cun a rel ve.

“Ralhraang 50 hrawng an si ding zum a um. Upa, nauhak tilo lengsuakngam loin innsung ah kan relh thluh. Atu khalah meithal puak thawm kan thei phah rero” tiah khuami cun a ti.

Doawk phah in SAC ralhraang in khuami an kai phah rero tiah theih a si ih FB khalah ka u, ka nau, ka pa an kai zo tiih catarmi hmuh ding a tam zet.

Tudinhmun ah doawknak ih thihhloh tongtu ziangzet an um ti a fiang lo ih khua mi pawl cun boruak sosang sinsin ding an zum thu le meithal hriam tuar ih nunnak liam an um zo ding zum an um thu an rel a si.

Kalaymyo hi rampumhuap khuapawh doawknak ṭanhmaisabiktu mihuaisen khua an si ih Doawknak ah ralhraang kut tuar ih thi mipum 30 luan le kaihkhih tuar 100 hrawng an um zo tiah theih a si.

Leave a Reply

Your email address will not be published. Required fields are marked *