Palik le Ralkap in Nuralṭha မကြယ်စင် i Thlan an Bauh

Mandalay, အေးရိပ်ငြိမ် thlanmual ih phum mi nuralṭha မကြယ်စင်(kum 19) Thlan cu March 5 zaanlam ah ralkap le palik pawl in an bauh tiah Thlanmual kiang ih um pawl in RFA hnen ah an sim.

Ahmutu pawl cun zaanlam nazi 5 hrawng ah mawṭaw 6 thawn palik le ralkap an ra ih zohman lut theihlo dingin Thlanmual an kulh thluh tiah an sim.

“Zaan nazi 8 hrawngah ralkap le palik mawṭaw pawl cu an kir sal. မကြယ်စင် Thlan kan va zoh tikah an bauh mi kan hmusuak”.

“Thlan an bauh nak cu mirang leilung thawn an erhpit sal. Kan va zoh ahcun an erh nak leilung a rak ciar lai. Ziangruangah an bauh ti cu kan thei lo” tiah Thlan kiang ih um mipakhat in RFA hnen ah a sim.

မကြယ်စင် ruak cu an fir maw firlo theihcian a si lo nan Mandalay hrambun Voice of Myanmar cun “a kuang an phorh hnu ah ralkap mawṭaw thawn an phur” ti`n kiangkap naivai ih um pawl i reldan vekin an tarlang.

“မကြယ်စင် ruak cu zianglam ihsin phorh suak i zohfel dingah kiangkap khua ih တရားသူကြီး pawl an fial nan tlunlam i siannak ca a um lo ruangah တရားသူကြီး pawl cu an cangvai duhlo” tiah Voice of Myanmar cun a tarlang.

Nuralṭha မကြယ်စင် cu March 3 Mandalay duhphorhnak ah ralkap pawl i kah that mi a si ih a thih thu thawn pehpar in ralkap lam in zingzoinak kan nei ding tiah MWD TV in a phuang a si.

Leave a Reply

Your email address will not be published. Required fields are marked *