Paisa lem zuar vek in online ih thehlarawtu mi pahnih an kai

Paisa lem zuar vek in online ih thehlarawtu mi pahnih cu Kawlram palik in an kai.

“ငွေအတုသည်” timi Facebook account hmang in “Paisa lem lei duh tu pawl cun phone number 09-678507519 ah in pehtleih thei” tiih ca ngan mi cu October 22 ni ah palik in an hmu ih, lei ding vek in cuih phone number cu an biak.

Cumi ah, paisa lem cu paisa ngai let 6 rate thawn lei aw dingin le Wave Money paisa transfer nak ah kuat aw dingin lungkimnak an nei ih palik pawl cun kyat ting 1 man lei ngaingai ding vekin October 24 zaanlam ah paisa an kuat.

Cuhnu reilo te ah စလင်းမြို့နယ်၊ ဆင်ဖြူကျွန်းမြို့ သစ္စာမြိုင် veng ih Wave Money transfer paisa suah thei nak dawr ah စလင်းမြို့နယ် မကျီးကုန်း khua ih um ဌေးမြင့်ဦး le မင်းမင်း cun palik pawl ih kuat mi paisa an ra suah lai cu an kai cih.

Palik pawl cun an umnak inn khal an va siim cih ih innsung ah “ငွေအတုသည်” timi Facebook account hmangnak simcard 4 bun thei mi phone le phone dang pahnih, paisa kyat 25000, bike 1 pawl an kai cih a si.

An innsung ah paisa lem sim lo paisa lem thawn pehpar mi thilri pakhat hman a um lo ih, palik pawl in thusutnak an nei bet tik ah Paisa lem hmin hmang in online ihsin mi an bum menmi a si timi an hmusuak a si. (ဖားကန့်သတင်းထူး)

Leave a Reply

Your email address will not be published. Required fields are marked *