Nunnak liam Paralṭha innsang pawl hrangah Kyat ting 10 fingfing bawmnak an pe

Nunnak liam Paralṭha innsang pawl hrangah Kyat ting 10 fingfing bawmnak an pe

Ralhraang SAC ralkap kut tuar paralṭha PDF ralkap 7 pawl ih tantami innsang pawl hrangah Myaing PDF in Kyat ting 10 fingfing bawmnnak an pe tiah theih a si.

Ram le miphun hrang nunnak hlantu PDF 7 pawl cu Magway ramṭhen, Myaing khua hrambun tatkhuai 1 ihsin ralkap 5 (Myaing PDF) le local PDF ralkap 2 tipawl an si ih, April 19 doawknak ah ralṭha zetin ram le miphun hrang nunnak hlantu an si.

Cuih ni doawknak boruak ah khawte luhcilhtu ralhraang SAC ralkap in khawmi 3 an kap that ih hriam tuar 5 an um.

Doawknak ah ralhraang ralkap 1 a thi ih, Myaing PDF 5 le local PDF 2 pawl cu ralhraang ralkap in an kulh hnu ah an kap that ti`n Myaing PDF in thu an suah.

Tantami innsang hrang bawmnak an pe mi thu thawn pehparin PDF hruaitu mipakhat cun “hitiih bawmnak kan pek nak san cu paisa kan nei tamtuk ruangah a si lo.”

“Kan ralkap lawng siloin an innsang nufa tiang kan ngai poimawh zia kan langter duh ruangah a si ih, ram le miphun hrang an hlanawknak cu kan neih sunte suahin theihpinak kan langter a si” tiah a ti.

Leave a Reply

Your email address will not be published. Required fields are marked *