NUG an pehtlaih theilo ruangah Mipi ralkap pawl Awloksong in an um

NUG cozah tiamkamcia vekin ralhraang donak ralthuam pawl bomnak pe lohli dingin ဗိုလ်နဂါး hohami Myanmar’s Royal Dragon Army – MRDA ralkap pawl in NUG cozah an pehtlaih nan FB cahmai ihsin theihternak an tuah mi pawl report tuahtu an um ruangah awloksong in an um.

March 13 ah MRDA hruaitu le NUG miniter U Yee Mon an beaw ṭum ah bombnak dilmi zaten pek theih a si lo ding nan tatyin pakhat hrang ralthuam cu thlakhat sungkhat pek nan si ding ti`n U Yee Mon in a rak tiamkiam nan tuni tiang bawmnak an dong hrih lo tiah an sim.

Curuangah MRDA hruaitu pawl in FB cahmai ihsin a tharin theihternak an tuah nan an pehtliah thei lo ti a si.

“Dilnak ca kan tuah mi zaten, kan Admin account tiang report tuahnak a um. Kan dil nak a rei thlang” tiah MRDA ṭuanvonei mipakhat in Lu Nge Khit hnen ah a sim.

FB cahmai hin hriamhrei ralthuam thawn pehparmi thu ah cin le dan an tuah ih an daan pahbalmi catar pawl cu malh lohli dingin an tuah mi a um nan, atu ih NUG theihternak an tuah mi cu ziangtin report a um thei timi cu felfaiin theih a si lo.

Cuvek report nak a um ruangah bulpak account thawn tuni ah theihternak an tuah saal ih “ဗိုလ်နဂါး hruaimi Sagaing PDF ralthuam bomnak pe dingin le raldo thu relkhawm dingin voitamzet kan pehtlaih nan NUG lam ihsin letnak zianghman kan dong lo” ti`n an ngan tel ih “Ministry of Defense hnen khalah ca kan kuat nan letnak kan dong hrih lo” ti`n an tarlang.

Cuhleiah “Atufang hi ralhraang ralkap pawl MRDA hmunram lam pan dingin timlam nak an nei lai” tikhalin NUG theihternak an tuah mi ah an tarlang.

ဗိုလ်နဂါး hohami Myanmar’s Royal Dragon Army – MRDA cu Sagaing ramṭhen, Pale peng ih cangvaitu mipi ralkap an si ih NUG theihpitnak thawn tatyin dangdang khal tuahin Dothlengnak ih telvetu ralkapbu pakhat an si.

Leave a Reply

Your email address will not be published. Required fields are marked *