North Dagon, Super Futsal bualrawn kahawknak ah mino pakhat nunnak liam

Yangon, North Dagon, No 44 veng, Super Futsal bualrawn kahawknak ah mino pakhat a nunnak liam.

Cumicu mizaan May 23 ih thilthleng a siih vansiattongtu cu Dagon University Old Star football team sungtel နဂါးလေး tiih kohmi ဆန်းထွန်းအောင်ရွှေလှိုင် a si thu FB cahmai ah an tarlang.

“DUOS dinsuahtu hruaitu pakhat a si mi kan unau နဂါးလေး cu mizaan ih North Dagon kahawknak ah a nunnak liam. Palhsual in an kap ngah pang ruangah kan unau pakhat kan sung a si” tiah Dagon University Old Star team in an phuang.

Tulaifang hi Yangon khuasung veng ṭhenkhat ah kahawknak a khaat2 in a suak ṭheu ih sunlai rori ah SAC ralhraang lam ṭang kahthatmi hmuh ding an um bangin mawh neilo mipi that tuar mi khal hmuh ding an um.

Mizaan khalah vengsung vehvaitu SAC ralhraang le mipi tongaw in boruak a sosang ih beunak hawl ih veng sung ih tlanlut mipi ṭhenkhat cu North Dagon, No 44 veng, Super Futsal bualrawn tiang ralhraang in an dawi ih meithal khal an hmetpuak tiah theih a si.

Leave a Reply

Your email address will not be published. Required fields are marked *