NLD san ih an buaipi zetmi Lilawn hmin thleng fel

Mon ramkulh, Chaungzon myo(ချောင်းဆုံ) le Mawlamyine myo(မော်လမြိုင်) pehawknak Bogyoke Aung San Lilawn (ဗိုလ်ချုပ်အောင်ဆန်းတံတား) cu Than Lwin Lilawn-Chaungzon (သံလွင်တံတား-ချောင်းဆုံ) tiah SAC ralhraang in a hmin an thleng fel ih thaisun June 1 ah onpuai an tuah tum tiah theih a si.

NLD san ih hmin bunmi Lilawn hmin thleng puai ah SAC ralhraang in ramkhel party ṭhenkhat le khuanu/pa khal an sawn ih hluanghlai zetin an tuah tum.

Kum 2017, NLD san lai ih hih Lilawn hmin pek thu ah khuami lungawi loin an um ih hluttaw ah vote pek ṭul dinhmun tiang Lilawn hmin pek ding thu ah NLD party thawn an rak buai dah.

NLD in vote thlak neh in ဗိုလ်ချုပ်အောင်ဆန်းတံတား(ဘီလူးကျွန်း) tiih hmin an bun hnu khalah khuami lungawi loin lamzawh duhphorhnak tiang an rak nei dah.

“Bulpak hmuh dan rel seh la သံလွင်တံတား-ချောင်းဆုံ tiih a thok ih pek tummi hmin ah an thleng sal hi lungkim um ko. Amahbelte, tuvek boruak ih hmin thleng cu a tikcucaan a fuh lo deuh. Atu ah SAC ralhraang in hitiih hmin an thleng cu Mon mipi thazang peknak kan ngah pang ah ti`n tumtahnak malte tal cu an nei ding. Tuvek ih hminthleng hi cu zawhte tibualter ti`n kan hmu” tiah Mon mino pakhat in a ti.

Tufangah SAC ralhraang uktu Min Aung Hlaing hi Kachin ram ah a um lai fang a si ih သံလွင်တံတား-ချောင်းဆုံ Lilawn hmin thar bun puai ah a tel le tello ding, Mon ramkhel khawvel in an rak thlir nasa tiah BBC in a ngan.

Leave a Reply

Your email address will not be published. Required fields are marked *