Nikhat hman kim hlan ah SAC ralkap in thutiam pahbal

Tuhlan ihsin ramsung kahdonak kan cawl ding tiah mipi bum zok rerotu SAC ralkap cun a thar in thla 1 sung kahdonak kan cawl ding tiah thu an phuang sal hnu, nikhat hman rei hlan ah vanzam 9 thawn KIA an kap cih.

SAC ralkap in Kachin ramkulh, Momauk khua ih KIA tatyin 25 cu vanzam 9 thawn tuizing ah an kap tiah KIO News and Information į¹­uanvonei ralbawi Naw Bu in a ti.

KIA lam khalin vanzam kapnak ralthuam thawn nasaten an kap ve tiah theih a si ih ralbawi Naw Bu cun “zinglam ahcun Lei par ih kahdonak cu a um lo” a ti.

KIA tatyin 25 cu SAC ralkap in tuhlan ihsin an kap zok rerozo ih tuizing an kap mi thawn ni 6 nak a si thlang.

SAC ralkap lam cun May thlasung kahdonak kan cawl lawk ding tiah thuthannak an nei nan tlangpar hriamhrei keng pawlkom dangdang cun hmai nor in a hahaten ram an lak vivo ding zum a um tiah boruak thlirtu pawl in an sim. (Kachin Waves)

Leave a Reply

Your email address will not be published. Required fields are marked *