Ni 6 sungah rampumhuap fa le Tlawngaptu mipum ting 52 an um an ti

Ni 6 sungah 2022-2023 fimzirkum hrang rampumhuap Tlawng aptu mipum ting 52 an um ti`n May 31 ah SAC cozah hnuai ih um fimzirzung ihsin thu an suah.

Cumicu May 26 ihsin May 31 tiang rampumhuap Tlawngaptu cazin ti`n tarlang a si ih, himi ah cozah Tlawng siseh, private Tlawng le phungki Tlawng tivek tiang siar tel cih an si ih, mipum 5264946 cekci an si ti`n thusuahmi ah tarlang a si.

Atufang hi rampumhuap nu le pa pawl fa le Tlawng ret ding thu ah thubotcat an harsat lai fang a si ih hmin cu kan pe nan Tlawng on tikah kan kaiter ding maw kaiter lo ding kan theifiang lo titu khal an tam.

Kan nih Chin ram khalah cuvek dinhmun a si thotho ih, Dothlengnak tuahtu Chin ralkap komkhawmpi cun ralhraang ukhruainak hnui ih Tlawngkai tha an pe lo thu, mipi an sim thei zo.

Culaiah Zomi Revolution Army cun June 2 ih SAC ralhraang Tlawng on ding cu tha kan pe a si ti`n May 30 ah thu an suah.

Cuhleiah Chin ramkulh, Zogam ram sungih harhdamzung, Fimzirnak le Siizung tivek siatsuahtu lole kahdonak tuahtu siseh, Tlawng saya/ma le cozah hnaṭuan pawl hnaihnok lole hringhronak tuahtu cu ralhraang ah phuan an si dingih a ṭul ahcun SAC cozah thawn hmalaknak kan nei ding ti`n thu an suah a si.

Leave a Reply

Your email address will not be published. Required fields are marked *