Ni 3 sung doawknak ah Ralhraang SAC ralkap 20 an thi

KNLA tatyin 1 le ralhraang SAC ralkap cu a pehpeh in ni 3 sung an kapaw ih, doawknak ah ralhraang 20 an thi thu le hriam tuar 7 an um thu, KNU in thu an suah.

February 23 zaanlamri ah ei-in le ralthuam phurtu SAC ralhraang mawṭawtlar cu Thaton-HpaAn ziin tluan ah KNU – Thaton le KNLA tatyin 1 ralkap pawl in bomb voi 4 an rak puah.

Voi 3 bomb puah mi cun ralhraang pawl a khawng ban lo nan, zaanlam nazi 7 hrawng ih voilitnak an puah mi cun ralhraang 3 a that hlei ah mawṭaw 2 a siat tiah KNU cun thu an suah.

February 24 khalah KNLA tatyin 1 le SAC ralhraang an do aw saal ih, cui ṭum ah ralhraang rank sang pakhat telin SAC ralhraang lam mi 10 an thi hlei ah hriam tuar 7 an um ih, mawṭaw 4 a siat bet.

February 25 khalah KNLA tatmaha 1 hmunram ah kahdonak a suak bet ih hriam tuar 1, mawṭaw siat 1 le mithi 7 an um tiah KNU in doawknak hmun ih thusuak cu February 26 ah an tarlang.

Leave a Reply

Your email address will not be published. Required fields are marked *