Ni 10 sung Doawknak ah SAC ralhraang 300 kim zik an thi

September 18 ihsin 27 karlak ramsung doawknak ah SAC ralhraang 283 an thi tiah NUG thusuahnak thawng in theih a si.

Cuih ni 10 sung doawknak ah ralhraang thi 283 an um hlei ah hriam tuar 20 an um ti`n Ministry of Defence – National Unity Government of Myanmar in thu a suah.

Doawknak cu Chin ramkulh, Kayin ramkulh le Sagaing ramṭhen ah a suak tam bik ih mipi humtu ralkapbu lam khalin mithi 2 le hriam tuar 4 an um tiah theih a si.

Doawknak ruangah mipi lam khalah mithi 5 hnakih mal lo an um ih hriam tuar 40 hnak ih mal lo an um ti`n Ministry of Defence – National Unity Government of Myanmar thusuah mi ah an ngan tel. (AT)

Leave a Reply

Your email address will not be published. Required fields are marked *