New York hrambun Human Rights Watch pawlkom in Myanmar ralkap a Hro

Myanmar rampi buainak thu cu Leitlun hmunkip huap ah a thang khawk vivo ih ramdang pawl khalin ralkap cangvaihdan an theifiang vivo.

Tukhalah New York hrambun Human Rights Watch NGO cun ralkap cangvaihdan cu nasaten a soisel ih tuṭum buainak ruangih kaihkhih tuar pawl khal thlah zalen lohli dingin kawlram ralkap a hro a si.

“Myanmar rampi thuneihnak/Uknak cuhtu ralkap cun mihring pianvo pahbal in a cangvai a si. China cozah rori hman in kawl ralkap cu a dem hai zo a si” tiah Human Rights Watch Asia director Brad Adams in a ti.

Human Rights Watch NGO cun February 1 zing ihsin tuini thil thleng tiang cipciar zetin a thei ṭheh ih Mandalay University hmai ah duhphorhnak nei ruangih kaihkhihtuar pawl khal siseh, Mayangone township ih kaihkhih tuar Win Htein te pawl khal thlahzalen lohli dingin thu a suah a si.

Cuih tlun ah ramsung thuthang dik thehdarh ruangah kaihkhih dingih Journalist pawl a ṭhih/hro ṭheu mi khal bansan dingin le internet a phit mi khal ongsal lohli dingin Human Rights Watch NGO cun a phuang a si.

Myanmar rampi buainak cu mipi authawng le Journalist, Human ringhts lam ih hnaṭuan cangvaihnak zar ah leitlun huap in a thang khawk vivo ih kaingkap ramhnen le UN lam tiangih ngaihven kan hlawh vivo a si.

Leave a Reply

Your email address will not be published. Required fields are marked *