Nazi 24 sungah Myanmar ram ah Covid 19 mina 100 um

Kan ram Harhdamnak le Lehpannak Tlangbawizung in 2020 August 26 zing nazi 8:00 ih thu a than mi ah Covid-19 mina 70 hmuhsuah bet an si ih mizaan ih hmuhsuah mi 30 thawn, nazi 24 sungah Covid 19 mina 100 an um a si.

Mina hmuhsuah thar pawl cu Rakhine ramkulh um hlir an siih ramsung nathrik karhzai caktuk cun Covid 19 suar 2 nak a thok terding an phang zet.

Myanmar ramsung nat karhzai sinsin ding phan a um ruangah ramsung ih khua ṭhenkhat pawl ah Lockdown ṭansal a siih, July 21 ih ongsal mi Suakthuan tlawng hmuahhmuah khal, thaizing August 27 in phit thluh sal a si ding tiah Fimzir Ministry hotu sang Dr. Tin Maung Win cun RFA hnen ah a sim.

Tu dinhmun ah Myanmar ramsung ah Covid 19 nat kai mipum 574 an um zo ih cu pawl lak ihsin mi 6 thi in mipum 341 an dam sal a si.

Leave a Reply

Your email address will not be published. Required fields are marked *

error: hahahahahaha !!