Nazi 24 sungah Covid 19 mina 30 thi, Chinram Mindat ah nat nei 16 pung

Myanmar ram Harhdamnak le Lehpannak zung in 2020 september 28, zaan nazi 8:00 ih thu a than mi ah Covid 19 mina thar 897 an um ih, mizaan nazi 8 in tuizaan nazi 8 karlak, nazi 24 sungah mina 30 an thi a si.

Chinram Mindat ah September 20 ih Covid 19 mina hmuhsuah mi thawn pehtlaihawknak nei mi, Quarantine lut minung 16 in nat an kai thu theih a si.

Tufangah, Mindat ih Covid 19 mina 3 um cia le Tedim ih mina 2 thawn, Chinram ah Covid 19 mina 21 an um.

Rampi huap in tuini ah Covid 19 mina thar 897 hmuhsuah a siih, ramsung Covid 19 mina zatekom 11631 an si. Cumi lak in dam suak saal minung 3073 an um ih mithi 256 an kim a si.

Hivek dinhmun kan siih, Chin ram Covid 19 mina pung mi hin mipi mit vang ter in kan um tlanlen dan ah fir khur cio zuam hram dingin kan ngen duh a si.

Leave a Reply

Your email address will not be published. Required fields are marked *