Naamte keng USDP ṭantu miburkhat in NLD party ṭantu mipathum an sat that

Magway : Pwint Phyu Myone, Kyaung Kone Gyi khua ih um mipathum cu miburkhat in naam thawn an sat ciamco ruangah a hmun rori ah an pathum in an thi ih mi 7 in hliamhma an tuar.

Kyaung Kone Gyi khua mi ဦးထွေးနိုင် ၊ ဦးချစ် ၊ မောင်နန်းဝေ te pawl cu hmundang ihsin an tlunglam an khua ziinpi ih an feh rero lai ah thingat zung ihsin naam keng miburkhat an ra suak ih nasa zetin naam thawn an sat ciamco ruangah an pathum in a hmun rori ah an thi.

Naam thawn sattu cu USDP ṭanpi pawl an si ih naam sat tuar pawl cu NLD party ṭantu an si tiah khuasung um pawl in an sim.

Anbuai hnu ah palik le ralkap an thleng ih mipanga bak um tlanglo dingin thuthannak an nei. Cuhnu ah Kyaung Kone Gyi khua mi pawl cun tualthattu pawl kai lohli dingin palik hnen ah an dil tiah DVB in a tarlang.

Leave a Reply

Your email address will not be published. Required fields are marked *