Myitkyina : Case 1155 Thlennak Riahbuuk Lockdown An Tuah

Covid – 19 case number 1155 riahnak, Myitkyina, Hotel Hukaung riahbuuk cu September 6, zaanlam nazi 3 hrawng in Lockdown an tuah thu Myitkyina khuaukbawi U Thant Win in a sim.

Case number 1155 cu Mytel Network ih hnaṭuan a siih Hotel Hukaung ah August 28 le 29, nihnih sung a um.

Myitkyina khuaukbawi U Thant Win cun, “himi riahbuk ah nihnih sung a um. A hnaṭuan mi thawn pehpar in Wine Maw ah a feh ta. Naypyidaw ah a kir ih Quarantine a lut hnu ah natnak an hmu mi si.”

“August 30 ni ah himi riahbuk ah minung 2 an um ih tutiang an dung kan zuul thei hrih lo. Biak danding khal a remcang hrih lo. Tu ah, riahbuk ih minung 16 le riahbuk thleng minung 5 cu kan lockdown a si” a ti.

Myanmar ram huap in Covid 19 hmuhsuah zo mi mina 1419 ah 8 an thi ih 385 an dam sal zo a si.

ref:NewsEleven