Myitkyina ah Thlipi a Huuk, Thailand ih suak thok mi Thilherh pakhat Myanmar pan in a ra

September 30, Myanmar nazi 3 luan hrawng ah Kachin ramkulh Myitkyina ah Thlipi a hrang.

Thli tha cak deuh ruangah Myitkyina, Ayar veng, ဆည်မြောင်: zung kiang ih Hmawng Kung tar pi cu a taw hram in a pok ih ziinpi luah baan in a tluk. A ṭek in hnor ngah ruangah inn mal lai a siat ih numi pakhat in na tuk lo in hriam hma a tuar.

Cozah zung sungih Tlawr thing kung khal thlipi in a hran tluk ih ziinpi kap ih motor par ah a tluk tiah a hmu tu pawl in an sim.

က-ည-န zung kiang ih phone banṭhuam khal a tluk ih khawngaw le hliamhma tuar cu an um lo tiah BBC in a tarlang.

Nikhua thawn pehpar mi ah, Myanmar ram nikhua zoh thiam pawl in a ra lai ding mi nazi 48 sungah မြန်မာ့ကမ်းရိုးတန် le ကမ်းလွန်ပင်လယ် pawl ah tisuar tum tho thei dinhmun a si tiah thuthannak an nei ih Tipithuanthum par ih hnaṭuan le Tipi par ih khual tlawng pawl hnen ah ralring cio dingin thu a than.

A hring cuang nak hmun pawl khi ralring dingin rampi nikhua zoh zung in thu a than

Tanintharyi ramṭhen le Mon ramkulh lam pan ih ra thei mi thliherh pakhat cu Thailand tipithuamthum in a suak thok ih Kawl ram lam pan in a ra tiah, Myanmar ram nikhua zoh thiam U Chit Kyaw in a sim ih Tanintharyi kiangkap ah ruahpi tak in leiminnak a suak thei a ti.

ref:BBC,Mizzima

Leave a Reply

Your email address will not be published. Required fields are marked *