Myaung Khualut/suaknak gate pawl cu PDF kut ah a um thluh zo

Sagaing ramṭhen, Myaung peng Khualut/suak nak pawl cu PDf kut ah a um thluh zo ti`n CDSOM in thu an suah ih “SAC ralhraang thawn a pehparmi thilri hmuahhmuah cu hih check gate ihsin mipi ta ah a cang thluh thlang ding” tiah an tarlang.

Sagaing ihsin Myaungmyo lutnak cu “နတ်မြင်း” gate ti`n siseh, Myaung ihsi nisuahnak lam check gate cu “မင်းယက္ခနှင့်ဆင်ရိုင်း” gate ti`n siseh, Myaung thlanglam le saklam ih check gate cu “ဗိုလ်ကျားသစ်” le “ခြ‌သေ့်မင်း” gate ti`n siseh, Chindwin tipitluan check gate cu “နှလုံးလှ” gate ti`n PDF kut sung ih a ummi hmunram check gate pawl cu hmin an pe.

Hih hmun ih check duhlotu pawl cu daantat hmalaknak an nei tum ih “SAC ralhraang thawn pehparmi thilri kaihngahmi hmuahhmuah cu PDF le khuami pawl hrangah kan hmang ding” tiah CDSOM thusuah ah an ngan tel.

Cuihtlunah, hih check gate ihsin mipi paisa dilnak siseh, nawhthuh einak hrimhrim kan tuah lo ding ih, SAC ralhraang thawn a pehparmi pursum tuahnak hmuahhmuah cu hih hmun in kan kham thluh ding tiah an tarlang.

PDF kut sung ih um Chindwin tipitluan check gate ihsin December 3 ah SAC ralhraang thawn pehparmi Lawngpi pahnih an kai zo thu theih a si ih, cuih Lawng sung ih thilri hmuahhmuah cu PDF daan vekin hmalaknak an nei vivotum tiah theih a si.

Leave a Reply

Your email address will not be published. Required fields are marked *