Myanmar : Zarhkhat sungah Covid 19 mina 1500 an Pung, Mithi Letthum in Tam

Myanmar ramsung ah Covid 19 nat check zomi mipum 1.09 million an um zo ih mina 3015 hmuhsuah a si zo thu, rampi harhdamnak le Lehpannak zung in September 14 zing ah a phuang.

September 7 ni tiangah Covid 19 mina 1518 hmuhsuah a siih, atu dinhmun kan zoh a si le zarhkhat sungah mina lethnih rori a pung.

Covid 19 nat thawn thi mi mipum 26 an um zo ih September 7 in, zarhkhat sungah mithi 18 an um.

Tuni ih phuang mi mithi 6 lakah Sittwe siizung ih mina an telve ih Rakhine ramsung khal ah Covid 19 ruangih thi an um thok thlang.

Asinan, damsuaktu mipum 699 an um ih zohṭhat laimi mipum 9000 luan an um. March thla ah ramsung Covid 19 natnei an hmu thok ih August 19 tiang mina 379 hmuhsuak a si. August thlacem lam ah mina 787 ah an kai ih ni 10 sungah lethnih rorin Covid 19 mina an pung.

Covid 19 suarhnihnak cu Rakhine ramkulh sungin a karh thok ih nathrik khal tuhlan ta ai in a cak cuang.

Tudinhmun ah Yangon ramṭhen ah Covid 19 mina an hmusuak tambik ih ramsung natkarhzia lonak hmun cu Kayah ramkulh lawng a si tiah BBC cun a ngan.

Leave a Reply

Your email address will not be published. Required fields are marked *