Myanmar ramsung khua tamzet cu Ralram ah a cang, mithi 100 an luan zo

Kawl ralkap pawl in mizaan lam ah TV thuthannak thawn mipi an ṭhit cia vekin March 27 ni ah nasatak in an cangvai ih suun laifang tiangah minung 70 luan (50 nemhnget) an kap that zo tiah theih a si.

Cumicu rampumhuap khua 20 hrawng komkhawm ih mithi zat tarlang mi a siih Yangon hmun hranhran ah amalbik 7, Pago ramṭhen ah amalbik 4, Mandalay ah amalbik 15, Mogok le Pin Oo Lwin ah amalbik 7 mithi an um.

Cuihtlun ah Sagaiang ramṭhen, Mon ramkulh lam khalah ralkap le palik pawl ih kah that mi an um. Mi innsung khalah luhhnawh in innsung ih daite um men pawl khal an kap that ih kum 13 nute le kum 7 mi nauhak khal an kap that.

Atu ca kan ngan lai khalah ramsung hmun tamzet ah ralkap le palik a rualrual in an vak ih an hmuh mi le a remrem an kap hluahhlo a si.

Hitiih buai rero a si tikah mithi hliamhma tuar le kaihkhih tuar khal nazi kaar dan in an pung zutzo a si.

update : Minung 100 luan an thi zo

Leave a Reply

Your email address will not be published. Required fields are marked *