Myanmar rampi ti hnin tu Ni nihnih – Dr. Run Bik
Myanmar ram ah 1-2-2021 zing in ralkap cun NLD acozah cu hrilawk ṭum ah voter roll hmin cazin a thongza I tidiklo ah a puh i thuneihnak a la. Kum 50 lai hrehum zet I ralkap kut hnuai I rak tuartu mipi pawl cu an lung a awi lo zet.Ralkap pawl an cang hnu ni 3 nak hrawng in sibawi doctor pawl cun Civil Non Cooperation Campaign (Movement) thok in zung kai lo i um an tum.
Himi hnu ah acozah zung dang khal in an thlun vivo I an cangvaihnak cu a sang vivo. Mipi thinheng sinsinnak cu Tamadah Win Myint le Aung San Suh Kyi le midang 100 tlun an kaih ruang khal ah a si. An nih pahnih hi dan vek in February ni 15 tiang an kai an ti theinak ah Tamadah pa hi hrilawk pi hlan ah NLD campaign pawl lamzin kiang In a kut a zap.
Hihi covid dan a kalh an ti I,Suh Kyi sawn cu a mah kiltu palik pawl i biakawknak khawl pawl ramdang in an la lut. Amah Suh Kyi khal in ramdang tuah radio fate import rule kalh in a kawl an ti. Ramdang media mi pakhat cun hi radio pawl hi Rangoon zinkap ah lei cawk lo a um a ti.
Breaking News: Daw Aung San Suu Kyi, Myanmar’s deposed civilian leader, faces up to three years in prison on an obscure charge of illegally importing walkie-talkies.https://t.co/AAvPFgbKEW
— The New York Times (@nytimes) February 3, 2021
Ralkap thuneihnak lak hi NLD cun a duh lo zet nan mipi lamzawh i duhphorhnak nei cu tha a pe lo. Pakhatnak ah covid nat a karh a phang. Pahnihnak ah ralkap pawl in NLD in buainak a cawk tho tin an puh ding ti a phang. Pathumnakah Ralkap in meithal an hmang cun mi tampi an thi lak ding ti a phang. Ralkap in acozah sinak an la thei men ti rak ringaw tu Suh Kyi khal in Ralkap thu hi rak thlun lo ding a ti nan lamzin ah suak uh a rak ti lo.
Cuti cing in Ralkap uknak hua tuktu mipi pawl cun 6-2-2021 Zarhte ni ihsin Hledan ,Rangoon ihsin mipi pumkhawm in lam zawh duhphorhnak an nei thok. Himi ni ah mipi a thong sawn I sandah piah hi a thaisun 7-2-2021 ni ahcun a thongza in sandah an piah thlang.
Tens of thousands join fresh protests against military takeover in Myanmar in biggest demonstrations in the country since 2007https://t.co/99IkOGkuPF
— DAILY SABAH (@DailySabah) February 7, 2021
Cuiruangah kum 2007 ih Shwe War Zawng tawhlanze an timi Bhuddist phungki pawl I ralkap acozah sandah an pish hnu kum 13 sung I Myanmar rampi tihnintu ni nihnih ah a rung cang.
Zarhte zan nazi 10 hnu ah Aung San Suh Kyi an thlah ti thu a thang I Rangoon mi tam zet cu lungawi I kut beng in an au ciamco. Himi zaan nazi 11:30 ah hi ca ngan tu pa tla Rangoon tiang myone pakhat I myone judge nu nau in phone in zaan lai I ka lo ṭhang cu ka lo hmaisawng zet nan Suh Kyi an thlah ti hi a dik maw tiin a sut I, ca ngan tu pa in a theih lo thu a sang.
7-2-2021 Pathian ni zing lam nazi 9 hnu ah Rangoon I Laimi tamnak North Dagon ihsin motor I fehna, ke I fehna in hmunpi Hledan an feh thok. Hledan I feh pawl hin himi hnu ah Town hall pi umnak Sule I fehding an si ruangah fehlam hmanah peng 8 lai cu ke in an feh ding.
Protests sweep across Myanmar to oppose coup, support Aung San Suu Kyi https://t.co/bunsfVci0V pic.twitter.com/PfUVncssjV
— TODAY (@TODAYonline) February 7, 2021
Himi I feh pawl hin a tlangpi thu in thlazuk phunhnih an keng. Pakhat cu Sr. Gen. Min Aung Hliang I zuk a si. A zuk ahcun an duh lo ti lang tirnak ah a zuk ah an rin…Cule a dang zuk cu Suh Kyi I zuk a si.
Sandah piah mipi cun ralkap aanaasin uk kan duh lo. Nan, kaihmi pawl thlah uh ti a si bik. Ralkap le palik pawl cu an lang lem lo. Ralkap acozah hin Zarhte ni ihsin FB le internet an phih ruangah ziang hman theih a si lo lawk nan Pathian ni sun nazi 2 hrawng in an thlah leh ih Rangoon lam khal Falam khal I sandah piah pawl cu zoh a theih sal.
