Myanmar ralkap pawl ih Nunnak Hrampibik pahnih cu US cozah in a Chat sak

Kawl ralkap pawl ih nunnak hrampi pakhat a si mi company pahnih cu US cozahpi in hremnak a pe tiah theih a si.

US ram hin February 1 ihsin thok, Myanmar ralkap pawl ih cetcang dan hi a rak thlir thup ringring ih, tuah hrem an ṭul hrimhrim timi an hmusuak ruangah ralkap pawl ih paisa laklut biknak company pahnih cu hremnak a pe a si.

Cuih company pahnih cu Myanmar Economic Holdings Ltd. le Myanmar Economic Corporation Ltd. pawl an si ih hih company pahnih cu phun dangdang zawng ih ralkap bawm ringringtu/ralkap ta an si.

US cozah ih suah mi Executive Order 14014 ahcun “US ramsung ah siseh US rammi in ṭuanvo a lak mi siseh, MEH le MEC thawn a pehpar mi hmuahhmuah cu kan block ṭheh a si” tiah an ngan.

cuitlunah “Myanmar Economic Holdings (MEH) cun banking, construction, mining, agriculture, tobacco .. tvk ah interest a nei ih paisa an laklutmi hmuahhmuah cu mihring pianvo rak pahbaltu telin Ralkap kut ah a lut thluh tiah MEH shareholder data a lang.

Myanmar Economic Corporation Ltd. khal cu telecommunications sector le ralkap pawl natural resources supply tu company thawn pehtlaih awknak an nei ih ralkap pawl sum laklutnak ṭhabik pakhat a si.

Curuangah mipi hriltlin mi hnawl in diklo zetih Myanmar kumpi cozah thuneihnak latu Kawl ralkap pawl cu an thahripibik a si mi sumsaw an laklut nakbik company pahnih cu hremnak kan pe a si” tiah US cozah suahmi ca sung ah an ngan.

US, India, Australia le Japan telin Leitlun ram picang tamzet cun theitawk suahin Myanmar ram hi bawm dingin thutiamnak an nei zo ih China ram khalin Myanmar cozah par ih huham a neihmi suah in cang thei tawk rak hrolhaw ve dingah US ram in forhfialnak a nei a si.

Leave a Reply

Your email address will not be published. Required fields are marked *