Myanmar palik 19 hrawng cu himnak hawl in India ram ah an tlan lut

Kawl ralkap ukhruainak hnuai i hnaṭuan duhnawnlotu palik 19 hrawng cu India ram ah himnak hawl in an tlan lut tiah Indian police official in Reuters hnen ah a simthei.

An zaten hmunkhat ih tlantlang siloin Champhai le Serchhip lam in hmun 2 ih lut mi an si ih an him theinak dingah an hmin pawl khal tarlang a si lo.

“Rank niam palik mipa hlir an si ih ralthuam hriamhrei khal an keng lo. India lam pan ih ratlantu kawlram palik dang khal an um lai” tiah thuthang an dawngdan vekin Indian police official cun Reuters hnen ah a sim.

Serchhip palik ṭuanvonei Stephen Lalrinawma cun “an sim dan ahcun atufang ih kawlram uktu ralkap pawl i thupek an thlun duhlo/an thlun thei nawnlo ruangah India ram ah himnak hawl in an lut a si” tiah Reuters hnen ah a sim.

Ralkap pawl in Myanmar cozah thuneihnak an lak hnu ah rampi an uk hruai dan duhlo ruangih CDM luttu palik an tam zet nan kawlram suahsan in ramdang ih himnak hawltu palik cu a tuṭum hi voikhatnak a si tiah Reuters media cun a tarlang.

Leave a Reply

Your email address will not be published. Required fields are marked *