Myanmar mipi in Aung La N Sang An Ṭhuat Siat

Myanmar mipi hacang rial i kan um lai ah Ralkap in rampi thuneihnak a lak mi thuthawn pehpar in nihnih luan sung kamkhat hman ṭongsuak duhlotu MMA arsi Aung La N Sang cu a mipi pawl in nasaten an vuihraam a si.

Bulpak a facebook cahmai ih comment nakah siseh, Official Facebook page le Instagram Official account comment nak khalah siseh Myanmar mipi in nasaten soisel vuihraamnak an nei.

“Myanmar mipi ih suanvawr zetmi na si ih ziangvek dinhmun na thleng khalah na lam ah kan ṭang ringring. Nan, mipi in kan lo ṭulbik caan ah nadung in tun men. Hlasakthiam Rihanna hman in a hminthannak hmangin kan ram siattonnak cu social media ah a theh darh a si. Rampi Paralṭha dinhmun i kan rak lo porh dah mi pawl kan ruat sal tikah kan ning leh lam a zak sawn riangri sal” tiah mipakhat cun comment a ngan ih lungkimpitu khal a nei tamzet.

Aung La N Sang hin Facebook account pahnih a hamng ih Ralkap in Myanmar rampi thuneihnak a cuh hnu ah voikhat lawng zuk a thlah. Cu khal cu a mah bulpak Facebook ah a thlah tel lo. Instagram thawn a pehzom mi Official Facebook page lawng ah a thlah.

Zuk a thlah mi cu Ṭial Za Thang le One FC ih a rualpa pakhat thawn an zuk tlangmi a si ih “tui`zarh hi ka unau Ṭial Za Thang hrang ah a thupi zetmi zarh a si. Asinan cuhnak ih thil turu sawn cu Myanmar rampi ah a cang rero lai. Ka duhdawtmi ka mipi hrang ah thla ka cam ih rampi hrang khalah nisuah mawi suak sal thei dingin thla ka cam” a ti.

 

View this post on Instagram

 

A post shared by Aung La Nsang (@aunglansang)

Myanmar ram thubuai thawn pehparmi cu a relsuak nan a mipi pawl cu an diriam tawk lo hlei ah na tlai tuk zo ti`n an vuihraam a si.

Hihsuaksai tihrimnak zuk tuahcawp phunphun thawn an comment ciamco ih “Myanmar thantar zukpitlak khal na si lo. Kan ram khalah ra kir sal nawn hlah” titiangin an ngan a si.

Leave a Reply

Your email address will not be published. Required fields are marked *